សូមអបអរសាទរ យុវសិស្ស វិន វុទ្ធី បេក្ខជនមកពីវិទ្យាល័យគោកព្រីង ខេត្តស្វាយរៀង បានចូលរួមប្រកួតវគ្គផ្តាច់ព្រ័ត្រកម្មវិធី ” ជើងឯកថ្វីមាត់” ក្រោមប្រធានបទ (សត្រូវក្បែរកាយ )រៀបចំដោយ សសយក រាជធានីភ្នំពេញ ទទួលបានជ័យលាភីលេខ១ ។ Comments
ការចុះវាយតម្លៃទទួលស្គាល់គុណភាពអប់រំវិទ្យាល័យគោកព្រីង
គណៈកម្មការថ្នាក់ជាតិបានចុះ វាយតម្លៃទទួលស្គាល់គុណភាពអប់រំ កម្មវិធីសាលារៀនជំនាន់ថ្មី បានចុះវាយតម្លៃ វិទ្យាល័យគោកព្រីង រយៈពេល៣ថ្ងៃដើម្បីធានាបានសាលារៀនមួយដែលមានគុណភាពអប់រំនៅក្នុងប្រទេសកម្ពុជា។ Comments
ការប្រជុំរៀបចំផែនការថវិការដើម្បីដំណើរការសាលារៀនរបស់វិទ្យាល័យគោកព្រីង
នាថ្ងៃទី ៩ ខែកុម្ភៈឆ្នាំ២០២២ វិទ្យាល័យ គោកព្រីង បានប្រជុំរៀបចំផែនការថវិកាដើម្បីដំណើរការសាលារៀនក្រោមការចូលរួមរបស់លោក អ៊ុល រុន ដែលជាប្រធានអង្គប្រជុំ និង គណៈនាយក វិទ្យាល័យគោកព្រីង និងបឋមសិក្សាស្វាយព្រហូត ជាមួយលោកគ្រូអ្នកគ្រូ តំណាងអាណាព្យាបាលសិស្ស និងក្រុមប្រឹក្សាយុវជនប្រចាំសាលារៀនទាំងពីរ។ ក្នុងនោះដែរអង្គប្រជុំបានស្វែងរកបញ្ហា ដើម្បីដាក់គោលដៅក្នុងការដោះស្រាយតាមរយៈសកម្មភាពភាពស្នូលមួយចំនួនដូចជា៖ – ការគាំទ្រប្រព័ន្ធអប់រំក្នុងសាលារៀនឱ្យមានប្រសិទ្ធភាព – ការផ្ដល់សេវាជួយគាំទ្រសិស្សឱ្យបានល្អ – ការគាំទ្រគ្រូបង្រៀនឱ្យមានប្រសិទ្ធភាព – ការគាំទ្រផ្នែក ICT ឱ្យបានល្អ – ការគាំទ្រទៅលើសម្ភារៈសម្រាប់បង្រៀន – ការរៀបចំហេដ្ឋារចនាសម្ព័ន្ធឱ្យឆ្លើយតបទៅនឹងតម្រូវការ – រៀបចំសកម្មភាព អប់រំកាយ និងកីឡា ឱ្យបានប្រសើរ។ Comments
ការបំប៉នសមត្ថភាពស្តីពី ប្រព័ន្ធរំលឹកជាមុនឬការគ្រប់គ្រងសាលា
ថ្ងៃទី ២៨ ខែ មករា ឆ្នាំ ២០២៣ លោកគ្រូ អ្នកគ្រូដែលជាបុគ្គលិកទីចាត់ការវិទ្យាល័យគោកព្រីង កម្មវិធីសាលារៀនជំនាន់ថ្មីទទួលបានការបំប៉នសមត្ថភាពស្តីពី ប្រព័ន្ធរំលឹកជាមុនឬការគ្រប់គ្រងសាលាពីមន្ត្រីជំនាញផ្នែកបច្ចេកវិទ្យាព័ត៍មានវិទ្យារបស់អង្គការខេបពីរូបគឺ លោក សរ សុផាន់ណាក់ និងលោក ជិន ភិរុណ។ដោយកម្មវិធី ប្រព័ន្ធរំលឹកជាមុនឬការគ្រប់គ្រងសាលា(EWS)មានសារៈប្រយោជន៍ជាច្រើនដូចជា៖ ១.ការរៀបចំថ្នាក់រៀននិងការបង្កើតកាលវិភាគ ២.ការរៀបចំទិន្នន័យគ្រូនិងទាញគណនីគ្រូចូលតាមថ្នាក់ ៣.ការបញ្ចូលឈ្មោះសិស្សចូលទៅក្នុងថ្នាក់ បញ្ចូលពិន្ទុ បញ្ចូលអវត្តមានសិស្ស ៤.អាចទាញយករបាយការណ៍ប្រចាំខែ ឆមាស និងប្រចាំឆ្នាំជាដើម។ល។ Comments
ពិធីបើកបវេសនកាលថ្មីឆ្នាំសិក្សា ២០២២-២០២៣
ថ្ងៃទី០២ ខែមករា ឆ្នាំ២០២៣ វិទ្យាល័យគោកព្រីង បានប្រារព្ធពិធីបើកបវេសនកាលឆ្នាំសិក្សាថ្មី ដោយមានការអញ្ជើញចូលរួមជាគណអធិបតី ១, លោកស្រី ព្រុំ សំបូរ អភិបាលរងស្រុកស្វាយជ្រំ ២, លោកស្រី ប៉ែន ចន្ថា ប្រធានការិយាល័យ អយក ស្រុកស្វាយជ្រំ ៣, លោក ខៀវ សាម៉ន ជំទប់ទី១ ឃុំគោកព្រីង ៤, លោក នាយក នាយករង លោកគ្រូ អ្នកគ្រូ វិទ្យាល័យគោកព្រីង និង បឋមសិក្សាស្វាយព្រហូត ។ សិស្សានុសិស្សចូលរួមប្រមាណ ៨០៩នាក់ ប្រកបដោយទឹកមុខញញឹម សប្បាយរីករាយ ដោយបានចូលរៀនវិញ ។ Read More …
អបអរសាទរពិធីចែករង្វាន់សិស្សពូកែប្រចាំឆ្នាំសិក្សា ២០២១-២០២២
នៅថ្ងៃ ពុធ ទី ០៧ ខែ ធ្នូ ឆ្នាំ ២០២២ វិទ្យាល័យគោកព្រីងបានរៀបចំកម្មវិធី ចែករង្វាន់សិស្សពូកែប្រចាំឆ្នាំសិក្សា ២០២១-២០២២ ដោយមានការអញ្ជើញចូលរួមជាកិត្តិយសពីសំណាក់៖ ១.លោក សូ ស៊ាប ក្រុមប្រឹក្សាឃុំគោកព្រីង ២.លោក គង់ ណារិន នាយកវិទ្យាល័យគោកព្រីងសាលារៀនជំនាន់ថ្មី ៣.លោក ម៉ៅ រស់ នាយករងវិទ្យាល័យគោកព្រីងសាលារៀនជំនាន់ថ្មី ៤.លោកគ្រូ អ្នកគ្រូ អាណាព្យាបាលសិស្ស និងសិស្សានុសិស្សវិទ្យាល័យគោកព្រីង។ កម្មវិធីចែករង្វាន់សិស្សពូកែប្រចាំឆ្នាំសិក្សា២០២២នេះគឺផ្តល់ប័ណ្ណសរសើរនិងរង្វាន់ដល់សិស្សានុសិស្សដែលបានជាប់ចំណាត់ថ្នាក់ពីលេខ១ដល់លេខ៥សរុបមានចំនួន៧៥នាក់។ Comments
សាលា ឡៃហ្គឺ (Liger)បានមកធ្វើបទបង្ហាញកម្មវិធី(Rise)នៅវិទ្យាល័យគោកព្រីង
នៅថ្ងៃ ពុធ ទី៣០ ខែ វិច្ឆិកា ឆ្នាំ ២០២២ សាលា ឡៃហ្គឺ (Liger) បានមកធ្វើបទបង្ហាញអំពីកម្មវិធី (Rise)ដល់សិស្សានុសិស្សវិទ្យាល័យគោកព្រីងដែលមានអាយុចន្លោះពី ១៥ ឆ្នាំ ដល់ ១៧ ឆ្នាំដើម្បីអោយប្អូនៗចូលរួមប្រកួតប្រជែងនៅក្នុងកម្មវិធី (Rise)។ការធ្វើបទបង្ហាញធ្វើអោយប្អូនៗបានយល់កាន់តែច្បាស់អំពី អត្ថប្រយោជន៍នៃការចូលរួមប្រកួតប្រជែង ល័ក្ខខ័ណ្ឌក្នុងការដាក់ពាក្យ និងរបៀបនៃការចុះចូលរួមប្រកួតកម្មវិធី(Rise)។ Comments
សិស្សវិទ្យាល័យគោកព្រីងចូលរួមប្រកួតកម្មវិធី ” វោហារសព្ទយុវជន”
សិស្សវិទ្យាល័យគោកព្រីង ចំនួន ២រូបបានចូលរួមប្រកួតក្នុងកម្មវិធី “វោហារសព្ទយុវជន” វគ្គប្រកួតផ្តាច់ព្រ័ត្រ ។ក្រោមមូលបទៈ ” សមភាពយេនឌ័រថ្ងៃនេះ ដើម្បីចីរភាពនាពេលអនាគត ” ក្នុងឱកាស អបអរសាទរទិវាអន្តរជាតិនារី ៨ មីនា ២០២២ ខួបទី១១ ។ ហើយសូមចូលរួមអបអរសាទរសិស្សវិទ្យាល័យគោកព្រីង ទទួលបានជ័យលាភីលេខ ៣ ប្អូនប្រុស (ថៃ សារ៉ាវ័ន្ត) និង ប្អូនស្រី (ផល បូផា ) ទទួលបានលិខិតសរសើរ។ ក្នុងកម្មវិធីនោះផងដែរក៍មានការអញ្ជើញចូលរួមជាអធិបតីដ៍ខ្ពង់ខ្ពស់ពីសំណាក់ ឯកឧត្តម ឧត្តមសេនីយ៍ឯក ឌី វិជ្ជា ។ Comments
កម្មវិធីតាំងពិពរណ៍ស្នាដៃសិស្សប្រចាំឆ្នាំ
នៅថ្ងៃទី ២៨ ខែសីហា ឆ្នាំ ២០២២ វិទ្យាល័យគោកព្រីង បានរៀបចំតាំងពិព័រណ៍ស្នាដៃសិស្សប្រចាំឆ្នាំ ដោយមានការចូលរួមពី ៖ ១. ឯកឧត្តម តូច ប៉ូលីវ៉ា អភិបាលរងខេត្តស្វាយរៀង និងសហការី ២. លោកជំទាវ សុខ វិឡាយ ប្រធានក្រុមការងារចុះជួយឃុំគោកព្រីង ៣. លោក ខៀវ សំអុល ប្រធានមន្ទីរអប់រំ យុវជន និងកីឡាខេត្តស្វាយរៀង ៤. លោក ហែម សារិទ្ធ អភិបាលស្រុកស្វាយជ្រំ និងសហការី ៥. លោក អ៊ុល រុន ទីប្រឹក្សាជាន់ខ្ពស់អង្គការខេប និងទទួលបន្ទុកសាលារៀនជំនាន់ថ្មី ៦. Read More …
កម្មវិធីប្រកួតនិយាយជាសាធារណៈវគ្គផ្តាច់ព្រ័ត្រ
នៅថ្ងៃទី ២៤ ខែ តុលា ឆ្នាំ ២០២២ យុវសិស្សឈ្មោះ វិន វុទ្ធី ជាសិស្សវិទ្យាល័យគោកព្រីងសាលារៀនជំនាន់ថ្មីបានចូលរួមកម្មវិធីប្រកួតនិយាយជាសារណៈវគ្គផ្តាច់ព្រ័ត្រក្រោមប្រធានបទ “ការហាមឃាត់ផ្សាយពាណិជ្ជកម្មផលិតផលគ្រឿងស្រវឹងគ្រប់ទម្រង់ គ្រប់រូបភាំពក្នុងព្រឹត្តិការណ៍កីឡា និងទីកន្លែងប្រកួតកីឡា” នៅវិទ្យាស្ថានអប់រំកាយនិងកីឡា ដែលរៀបចំដោយ ក្រសួងអប់រំយុវជននិងកីឡា បានទទួលបាន ចំណាត់ថ្នាក់លេខ ៣ ។ Comments