ថ្ងៃ ព្រហស្បតិ៍ ទី ២៧ ខែ កក្កដា ឆ្នាំ ២០២៣ វិទ្យាល័យគោកព្រីងបានរៀបចំសិក្ខាសាលាស្តីអំពី “ការសិក្សាបញ្ញត្តិដើម្បីអភិវឌ្ឍគុណសម្បទាសតវត្សរ៍ទី២១” ដោយមានការបណ្តុះបណ្តាលពីគ្រូប្រឹក្សាគរុកោសល្យរបស់វិទ្យាល័យគោកព្រីងគឺ លោកគ្រូ យាន ប៊ុនលេង និងអ្នកគ្រូ គង់ សុគន្ធា ។គោលបំណងនៃការបណ្តុះបណ្តាលថ្ងៃនេះគឺ÷ -ចង់ឱ្យលោកគ្រូអ្នកគ្រូពង្រឹងការបង្រៀននិងរៀនឱ្យសមស្របតាមបរិបទសាលារៀនជំនាន់ថ្មី។ -លើកទឹកចិត្តឱ្យគ្រូបង្រៀនពង្រីកគំនិតក្នុងការបង្តើតកម្មវិធីសិក្សាដោយខ្លួនឯង។
នៅថ្ងៃទី ២៩ ខែ មិថុនា ឆ្នាំ ២០២៣ លោកនាយក លោកគ្រូ អ្នកគ្រូវិទ្យាល័យគោកព្រីងបានចូលរួមប្រជុំឆ្លុះបញ្ចាំងក្នុងដំណើរទស្សនកិច្ចសិក្សារយៈពេលបីថ្ងៃនៅព្រះរាជាណាចក្រថៃដើម្បីដកស្រង់ចំណុចល្អៗជាច្រើនដែលចំណុចល្អៗទាំងនោះរួមមាន៖ មានការបញ្រ្ជាបបន្ថែមមុខវិជ្ជា ចិត្តសិក្សា។ បណ្តុះទម្លាប់សិស្សនិងគ្រូមានទំនួលខុសត្រូវ និងគ្រប់គ្រងខ្លួនឯង។ មិនប្រើសៀវភៅសិក្សាគោលតែមួយមុខ។ មានការតាំងពិពណ៌ដោយមានការសរសេរពីដំណើរការផលិតផលគម្រោងនីមួយៗ។ មានកម្មវិធីភាសាបរទេស ចិន អង់គ្លេស។ មានដាក់ពិន្ទុលើឥរិយាបថ និងអំពើល្អរបស់សិស្ស។ ពង្រឹងចំណុចខ្លាំងរបស់សាលាដើម្បីបង្ហាញដល់សហគមន៍។
នៅថ្ងៃទី ២៨ ខែ មិថុនា ឆ្នាំ ២០២៣ លោកគ្រូ អ្នកគ្រូវិទ្យាល័យគោកព្រីងបានទៅទស្សនកិច្ចសិក្សានៅសាលា Princes chulabphon science school នៅក្នុងដំណើរទស្សនកិច្ចសិក្សានោះផងដែរយើងបានរកឃើញនៅចំណុចល្អៗជាច្រើនដែលសាលាបានអនុវត្តន៍នៅក្នុងសាលារួមមានដូចជា៖ សិស្សត្រូវបង្កើតគម្រោងសិក្សាយ៉ាងហោចណាស់ ៣ ក្នុងមួយឆ្នាំសិក្សា។ សាលារៀនត្រូវទទួលការវាយតម្លៃទទួលស្គាល់ពីគណកម្មការមកពីទីក្រុងបាំងកក។ មានហេដ្ឋារចនាសម្ព័ន្ធស្អាត បរិស្ថានគាំទ្រដល់ការសិក្សា។ សម្ភារ:សិក្សាសម្បូរបែប មានបន្ទប់ពិសោធន៍ទំនើប។ ធ្វើតេស្ត ២ ដងមុនទទួលសិស្សចូលរៀន។ មានគ្រូជំនួយ និងគ្រូប្រចាំបន្ទប់ពិសោធន៍។ បដិសណ្ឋារកិច្ចល្អសិស្សចេះទទួលបដិសណ្ឋារកិច្ចភ្ញៀវ។ មានបន្ទប់ស្នាដៃសិស្ស។ ការស្រាវជ្រាវរបស់សិស្សមានការវិភាគច្បាស់លាស់។ មានការកំណត់ចំនួនសិស្សក្នុងមួយថ្នាក់។ ឆ្លើយតបបញ្ហារបស់សហគមន៍ដោយសិស្សធ្វើការសិក្សាស្រាវជ្រាវពីបញ្ហាដែលសហគមន៍ជួបប្រទេស។ បណ្ណាល័យធំទូលាយ មានសម្ភារៈសិក្សាសម្បូរបែប។ សម្ភារ:កីឡាសំបូរបែប។ មានបន្ទប់មុខវិជ្ជាដាច់ដោយឡែកៗនិងមានសម្ភារៈពិសោធន៍ច្រើន។ មានបន្ទប់ប្រជុំសម្បូរបែប។ មានការប្រកួតប្រជែងស្នាដៃសិស្ស ការសិក្សារបស់សិស្សមានលក្ខណ:វិទ្យាសាស្រ្តទំនើប។ វត្តមានសិស្សប្រើប្រព័ន្ធឌីជីថលនៅក្នុងការគ្រប់គ្រង។ ព័ត៌មានសាលា Read More …
នៅថ្ងៃ អង្គារ ទី ២៧ ខែ មិថុនា ឆ្នាំ ២០២៣ លោកនាយក លោកគ្រូ អ្នកគ្រូវិទ្យាល័យគោកព្រីងបានទៅទស្សនកិច្ចសិក្សានៅសាលា Bualuang Pittayakom នៅក្នុងស្រុក Muang ខេត្ត បុរីរុាំ ព្រះរាជាណាចក្រថៃ។នៅក្នុងដំណើរទស្សនកិច្ចសិក្សានោះផងដែរយើងបានរកឃើញនៅចំណុចល្អៗជាច្រើនដែលសាលាបានអនុវត្តន៍នៅក្នុងសាលារួមមានដូចជា៖ រៀបចំសិស្សសម្អាតបន្ទប់ទឹក និងទីធ្លាសាលាបានល្អ។ នាយកសាលាត្រូវមានសញ្ញាបត្រនាយក និងប្រឡងជាប់ជានាយក។ សាលារៀនមានចក្ខុវិស័យច្បាស់លាស់ផ្តោតលើសីលធម៌ សុជីវធម៌ កីឡា និងគុណភាពសិក្សាទាំងកម្រិតជាតិ និងអន្តរជាតិ រយ:ពេល៥ឆ្នាំ។ សាលារៀនមានសុវត្ថិភាពសិក្សា។ មានសមាគមន៍សិស្សជួយការងារសាលា។ មានការគ្រប់គ្រងវិន័យ អាកប្បកិរិយារបស់សិស្សបានល្អ។ សិស្សត្រូវប្រឡងតែ២ដងក្នុងមួយឆ្នាំសិក្សា។ មានបរិក្ខារទំនើប សម្ភារៈសម្បូរបែបសម្រាប់សិក្សា និងមានបច្ចេកវិទ្យាទំនើប។ មានម៉ោងកីឡា សិល្ប: សិស្សមានការង្ហាត់សមបានច្បាស់លាស់។ មានរចនាសម្ព័នគ្រប់គ្រងនៅក្នុងសាលាច្បាស់លាស់។ Read More …
នៅថ្ងៃ ចន្ទ ទី ២៦ ខែ មិថុនា ឆ្នាំ ២០២៣ វិទ្យាល័យគោកព្រីងបានធ្វើដំណើរទស្សនកិច្ចសិក្សានៅសាលា Lamplaimat phattana school នៅក្នុងស្រុក ឡាំផ្លៃម៉ាត់ ខេត្ត បុរីរុាំ នៃព្រះរាជាណាចក្រថៃ។សាលា Lamplaimat phattana school ជាសាលាដែលនៅជនបទប៉ុន្តែយើងសង្កេតឃើញថាជាសាលាដែលមានគុណភាពសិក្សាខ្ពស់ដែលបានអនុវត្តន៍នូវសកម្មភាពអប់រំដូចជា៖
នៅថ្ងៃ សុក្រ ទី ២៣ ខែ មិថុនា ឆ្នាំ ២០២៣ វិទ្យាល័យគោកព្រីងបានរៀបចំកិច្ចស្វាគមន៍ដំណើរទស្សនកិច្ចក្រោមការដឹកនាំរបស់អង្គការសាម៉ារីតាន់ភឺស សង្គ្រោះអន្តរជាតិ បានសហការណ៍ជាមួយការិយាល័យមធ្យមសិក្សានៃមន្ទីរអប់រំខេត្តបន្ទាយមានជ័យដឹកនាំនាយក នាយករង និងប្រធានក្រុមបច្ចេកទេសមកពីវិទ្យាល័យ បុស្បូវ និងវិទ្យាល័យផ្គាំ ដែលមានចំនួនសរុបចំនួន១១នាក់ (នាយក២នាក់ នាយករង២នាក់ ប្រធានក្រុមបច្ចេកទេស៤នាក់ តំណាងមន្ទីរអប់រំ យុវជននិងកីឡាខេត្តបន្ទាយមានជ័យ១នាក់ បុគ្គលិកអង្គការសាម៉ារីតាន់ភឺស សង្ក្រោះអន្តរជាតិ ២នាក់ ប្រុសទាំងអស់) បានមកធ្វើទស្សនកិច្ចសិក្សានៅវិទ្យាល័យគោកព្រីង។ដំណើរទស្សនកិច្ចសិក្សាបានបញ្ចប់ទៅយ៉ាងរលូននិងមានភាពសប្បាយរីករាយ។
វិទ្យាល័យគោកព្រីងបានប្រជុំបូកសរុបលទ្ធផលឆមាសលើកទី១ដើម្បីសរុបលទ្ធផលការងារនៅក្នុងឆមាសលើកទី១ដោយមានរបៀបវារៈដូចជា៖ -របាយការណ៍របស់ប្រធានក្រុមបច្ចេកទេសវិទ្យាសាស្ត្រនិងវិទ្យាសាស្ត្រសង្គម -របាយការណ៍របស់លោក ម៉ៅ រស់ នាយករងវិទ្យាល័យគោកព្រីង -របាយការណ៍របស់លោក គង់ ណារិន នាយកវិទ្យាល័យគោកព្រីង។
នៅថ្ងៃ សៅរ៍ ទី ១៧ ខែ មិថុនា ឆ្នាំ ២០២៣ វិទ្យាល័យគោកព្រីងបានរៀបចំពិធីបើកអាហាររូបករណ៍សិស្សក្រីក្រក្រោមអធិបតីភាព៖ -លោកស្រី ទេព សោមុនី មេឃុំ គោកព្រីង -លោក គង់ ណារិន នាយកវិទ្យាល័យគោកព្រីង -តំណាងសហគមន៍ លោកគ្រូទទួលបន្ទុកបើកប្រាក់អាហាររូបករណ៍ អាណាព្យាបាលសិស្ស និងសិស្សានុសិស្សវិទ្យាល័យគោកព្រីង។
ក្រុមប្រឹក្សាកុមារនិងយុវជនប្រចាំវិទ្យាល័យគោកព្រីងបានដឹកនាំសិស្សានុសិស្សថ្នាក់ទី១២ចំនួន ៥០ នាក់ដើម្បីចូលរួម ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈលើកទី៦ឆ្នាំ ២០២៣ក្រោមប្រធានបទ “TVET ផ្តល់ជំនាញនិងការងារសមរម្យ “នៅវិទ្យាស្ថានពហុបច្ចេកទេសភូមិភាគតេជោសែនស្វាយរៀង។
នៅថ្ងៃ ព្រហស្បតិ៍ ទី ០៨ ខែ មិថុនា ឆ្នាំ ២០២៣ សេវាប្រឹក្សាអាជីពវិទ្យាល័យគោកព្រីងដែលដឹកនាំដោយអ្នកគ្រូ មាស ស៊ីណាបានរៀបចំកម្មវិធីចែករំលែកបទពិសោធន៍វិធីសាស្ត្រប្រកួតនិយាយជាសាធារណៈចែករំលែកដោយយុវសិស្សឈ្មោះ វិន វុទ្ធី ដែលជាម្ចាស់ជ័យលាភីលេខ១កម្មវិធីជើងឯកថ្វីមាត់។កម្មវិធីចែករំលែកថ្ងៃនេះមានគោលបំណង៖ -ឲ្យសិស្សានុសិស្សគិតពីដំណាក់កាលនៃពេលវេលាក្នុងការចូលរួមប្រកួត -យល់ច្បាស់ពីវិធីសាស្ត្រត្រៀមនៅក្នុងការប្រកួត -របៀបនៅក្នុងការនិយាយកុំឲ្យមានភាពភ័យខ្លាច នៅថ្ងៃប្រកួត -ស្វែងយល់ពីអត្ថប្រយោជន៍ដែលទទួលបានក្រោយការប្រកួត។